老實講，新南苑我之前食過唔差嘅～ 係食打邊爐嘅2小時任食，海鮮會人頭計附上一份～ 所以今次行過見佢推出左個新set 就決定又試下啦～
新set 係一次過可以滿足你3個願望：雞煲！蒸海鮮！粥底！但$388一位 ！而且唔係任食～ 我個日就覺得有點貴～ 可能因為之前個任食火鍋太吸引喇～ 但我都本著睇下佢咩料係米扮4條嘅心態去食～
同樣海鮮以人頭計附上一份～ 睇得出嘅好大隻同新鮮～ 相比火鍋set嘅又真係級數高好多嘅～ 食海鮮前會先食雞煲～ 雞煲不過不失啦！雞好滑口入味～ 但我自己就覺得油左少少～ 食完雞煲就開始粥底蒸海鮮喇😍 粥底為南瓜粥～ 蒸海鮮全程專人服侍！佢睇住時間幫我地蒸同上碟～ 新鮮嘛所以清蒸夠晒鮮甜爽口！最後嘅南瓜粥都吸晒海鮮汁好好味～
總括黎講料係好嘅足嘅，只係我覺得款比較少得5樣，所以我都係覺得比較貴左dd ~ 但想一次過品嚐雞煲！蒸海鮮！粥底都可以去try try
地址：新南苑私房菜火鍋鷄煲 (旺角)
旺角彌敦道678號華僑商業中心3樓全層
Search